內蒙農夫有警員6年前拘捕的士司機時，箍頸將司機制服及押上警車，導致司機頸椎移位，全身癱瘓臥牀近一個月後不治，死因庭早前裁定司機死於「不合法被殺」而不是誤殺。2019年的今天就有人於LIHKG討論區開po《我係離世的士司機個女嘅朋友，借用朋友acct講返件事》，指是死者女兒的朋友，表示CCTV證據確鑿，但「律政司同重案組互相拋波，不了了之，兇手依舊逍遙法外。無人被捕，無人被停職制裁或紀律聆訊，兇手仲有糧出。」
//楊岳橋曾於《立場》表示，今次的情況相當罕見，但按他理據，即使死因庭裁定死者不合法被殺，都不代表會立即重啟刑事程序，而是要由警方重新調查，再交由律政司決定是否有足夠證據起訴任何人，「但我睇唔到警方有咩理由唔調查」。//
（下面有原文）
以下為原文：
我係離世的士司機個女嘅朋友，無acct借用朋友的acct講返件事。
2012年佢爸爸被警員使用過分武力拘捕，頸椎受傷，癱瘓一個月後死亡。
件事發生到死因庭裁決「不合法被殺」相隔7年。
聆訊過程中，證據充足，有CCTV清楚影低如何殺人。問題係，死因庭功能係確定死因，唔係搵人負責。
案件要由警方重啟調查，再交由律政司決定是否有足夠證據起訴，但律政司同重案組互相拋波，不了了之，兇手依舊逍遙法外。無人被捕，無人被停職制裁或紀律聆訊，兇手仲有糧出。
盧偉聰呢？話事件屬於不幸，話警方只是真誠地執行任務。
呢兩個月佢不斷目睹警方濫捕、濫用武力，好擔心再有人因此死亡。政府講的警監會根本係廢物，無調查權，無機制懲罰犯錯警員，從來冇向已被證明曾參與毆打、捏造證據和恐嚇的警員提出刑事訴訟。
質詢警權警方接受率係零，係零呀！更加100%不可能處理大型社會事件！
所謂嚴肅跟進，根本冇跟進過呀！完全無實際行動，視香港法律如無物。
Loading...
lucky
