內蒙農夫我們吃一碗魚蛋麵，不過是十數分鐘的事；對魚蛋麵老店的老闆夏藩銘來說，做一碗魚蛋麵，卻是他一生的事。
落閘 父：「呢行好辛苦，唔想個仔做」
夏藩銘今年81歲了，由1967年接手黃大仙一間叫「榕江號」的麵檔起，後來開了屬於自己的舖頭——「夏銘記」，這五十年來，他就一直在做魚蛋麵，直至三年前的九月，在油麻地屹立逾三十年的舖頭，落下了最後一次閘門。
夏藩銘
「五十年嚟，知道呢行好辛苦，休息得二百幾日。」夏老闆表示自己近廿年都沒有看過電影和電視劇，也沒甚麼其他娛樂，每天就劏魚、唧魚蛋、煮麵、賣麵。「幾十年都係咁，收舖就返屋企瞓覺，瞓醒飲個茶又返工。」和家人相處的時間也不多。因此，當各家老店總希望子承父業，接掌老店的時候，夏老闆卻一直反對兒子入行，更把他送往外國讀書，希望他走的路，沒有自己那條那麼難走。「呢行好辛苦，幾十斤魚都照樣托喺膊頭。同埋好大代價，當年偷渡落嚟，自己為咗生活就冇得揀啫，但而家唔想個仔做。」
重開 子：「呢門手藝冇咗好可惜」
在英國諾定咸完成了機械工程及生產管理雙碩士學位的Roger，卻偏偏想入行。他畢業後穿梭越南、泰國等地做貿易工作，「老豆希望我做工程師、咩師咩師。」不過，他坦言以前為了滿足父親，做的都不是自己喜歡做的工。當他知道舖頭要結業時，反倒回港。「我覺得呢門手藝，一旦失去就好可惜。」
夏藩銘與兒子Roger
的確，扛在肩膊上的，哪止是幾十斤魚？更是老父幾十年的心機和手藝啊。在母親的支持和鼓勵下，Roger不理父親反對，於去年悄悄和別人簽了約，先斬後奏。終於，今年1月，夏銘記在西營盤，重新拉起大閘。
鮮甜爽滑的魚蛋，使新面孔、舊面孔都同聚於這小店內。夏老闆做魚蛋非常講究，他堅持買新鮮魚製作魚蛋，一粒魚蛋，就混合了幾種魚：黃膳、白䱛、寶刀等。單是逐片逐片魚肉切出來也花費了不少時間。工序也嚴格，打硬漿容易軟漿難，為追求軟滑的口感，他堅持手打軟漿；唧魚蛋，一唧就是一粒，不能多唧一下。「一手過下一粒，大細計得好準，咁粒魚蛋先鬆軟，唧多幾次就會變到死實。」但夏老闆強調，「啲人成日話啲魚蛋好彈牙，好好食，但其實魚蛋少少彈牙先叫好食，太彈牙嗰啲，通常都係加多咗硼砂嗰啲化學嘢。」而魚蛋麵的湯底，也是盡用整條魚的每個部位，用魚骨、魚頭、豬肚骨等熬製而成。故可見到湯底呈奶白色，也可喝到魚鮮味。
男人近五十 再從零開始
這一切一切的工夫，對零入廚經驗的Roger來說，是個大挑戰。但他表示「決定咗做呢度，就要堅持。」快要50歲的他，又從零學起。每日早上五時回到舖頭，學習做魚蛋。新學刀法時，手勢還未純熟，結果，左手五根手指頭都曾被刀傷，一道一道的傷痕、一塊一塊的膠布，見證著他的努力和毅力。Roger希望自己早日「學有所成」，把舖頭的魚蛋麵承傳下去。只是，他也坦白地笑言，重開後的第一個月，心裡有點後悔，「冇諗過真係咁辛苦，但簽咗約嘛，點都要做落去！」
至於夏老闆，現時仍然和太太每天到舖頭幫忙煮麵、包餃、製作辣椒油等，對於忙碌半生得來之名氣，他滿足，他感謝，他知命，更再三叮囑：「唔好同我吹到好勁，如實報道就好。」
夏銘記
地址：西環西營盤德輔道西211-213號同興大廈地舖
lucky
