朱植雄被自殺？網友爆事前見便衣警上天台問保安：「上次洗水缸係幾時」

近日朱植雄自殺案引起網民熱烈討論，疑點重重，繼疑似有警方盜用朱植雄連登帳戶開po講述「自己自殺」的經過，昨日亦有網民到事發大廈視察，發現望向天井的所有窗口只有兩隻手掌的闊度，質疑朱植雄自殺的可能性；

這位網友同時爆料指10號當日早上（朱植雄屍體是在11號被街坊發現）親眼看見有3位便衣警要求保安陪同他們上天台，期間不停問保安，「如果…天台門被撞開，會唔會响？」及「對上一次洗水缸係幾時。」，令人懷疑是否警方正計劃將朱植雄「被自殺」。天網恢恢，疏而不漏，似乎真相逐漸浮現。

以下為原文：

***【網民爆料 – 秀茂坪單自殺，我有嘢爆】***
A: 我有關於秀茂坪姓朱嗰個男仔自殺嘅資料想補充。

係11號發現個男仔屍體嘅秀義樓，10號當日，早上 11點左右，我因公事經過。
當時係地下大堂見到有三個便衣警，佢地要求保安，陪佢地上天台睇嘢，期間不停問保安，「如果…天台門被撞開，會唔會响？」及 … 「對上一次洗水缸係幾時。」

我當時都奇怪點解便衣無啦啦要上天台，同問洗水缸。

之後我再見到保安，我問保安『有人報警咩？』佢又話無。
但記住，我見到便衣喺10號，10號，10號。早上11點左右。
發現男屍喺 11號，又喺早上11點左右，我都希望我記錯。

我想提出一點，如果個男仔9號已伏屍發現地點，10號（我見到當日）便衣上天台，佢地一定見到，唔會再係11號先話街坊發現。

仲有…… 另外一個疑點係，點解警察，會無啦啦上去睇天台同水缸，有人報警/偷水？？
保安都話唔，淨係知警察話要睇，當時都冇為意佢地嚟做咩嘢。

之後我再問保安多幾句，佢話男便衣係有企上「貓梯」向下，望返天井（即伏屍地點)，除非佢眼殘，11點鐘嘅早上，冇理由睇唔到有個人瞓左係一個咁狹窄嘅天井。
同埋天井位，伏屍兩日咁曬法，一定臭到仆街。

最後，嗰度每部𨋢都有cctv，天台又有 cctv，天井啲天窗又咁細……………你話會喺點發生呢…？！？

Facebook【黑材料】

朱植雄被自殺？網友爆事前見便衣警上天台 問保安：「上次洗水缸係幾時」