內蒙農夫有網民於LIHKG討論區開po指今天9.1的抗爭運動是「香港鄧寇克大行動」，指好像當年鄧寇克拯救大行動一樣，在港鐵停駛的情況下，仍然有大批有車的市民到場接載有需要的朋友，十分感動。
以下為原文：
今日機場同東涌發生嘅事完全係當年鄧寇克拯救大行動嘅重現！
今日機場同東涌真係幾乎被隔離
冇黨鐵，冇巴士，被封路，有狗有防暴
係機場同東涌嘅手足幾乎被困孤島
幸得有大量校巴立即出手相助
造就呢個咁令人感動嘅場面
呢個場面就好似1940年，二戰時的法國被納粹德國佔領，由英國、加拿大和法國所組成的盟軍被逼退至鄧寇克，只可以用聯合防守並想辦法撤離。
當時困於法國海岸嘅士兵根本已經眺望到76公里以外嘅英國多佛爾,但佢哋冇可能游過去，亦只有太少船，有太多軍人。
係佢哋深深覺得絕望無助，恐懼納粹德軍嘅屠殺之際，有幾百艘由英國多佛爾民間船隻趕到鄧寇克合作營救所有被困的士兵返家，確認獲救人數為三十三萬五千人，遠超過英國首相溫斯頓·丘吉爾所預估。
我知今日抗爭效果未如理想，不完美，有改善空間
但今晚完全展現香港人人性光輝一面！！
更加辛苦哂徒步行咗二十公里長征嘅手足
衷心多謝所有良心校巴司機同長征手足！！
最後小弟想講有好多手足已經好氣餒
我哋可以失望，但不能絕望，多d反思改善。
今時今日呢個醒覺緊嘅抗爭，背負嘅係接近一千名被捕手足，當中有被警暴，恐嚇，虐待，性騷擾，性侵犯，仲有已經永遠離開我哋嘅手足，如果我哋放棄，點對得著佢哋，自己嘅良心，同我哋嘅下一代！？
光復香港，時代革命！
Loading...
lucky
