容祖兒（Joey）《Pretty Crazy》紅館演唱會嚟到第14場（18日），Joey邀請咗兩組嘉賓分別係農夫及張智霖助陣。除咗同Joey合唱《特別嘉賓》及《舉高隻手》之外，農夫繼續發揮搞笑本色，觀眾笑到拍晒手掌，而祖兒更笑到跪喺地。而佢哋做嘉賓嘅片段亦被放上影片分享網站，上載短短一日影片已經超過30萬點擊率，唔少網民睇完都大讚農夫好好笑、轉數快及好識搞氣氛等等。不過有內地網民儍儍分不清楚，將C君認錯為快必（譚得志）及將陸永認錯為梁天琦，並留言話：「快必快X地去死拉（啦）！港獨暴徒！」及「屎弗全上人地個演唱會散播港獨思想可恥！」等等。香港網民就認為好好笑，仲紛紛留言：「光復紅館了」、「要點樣眼盲先可以認錯？」、「五毛嘅智商係咁上下啦，大家睇開啲😂」及「慢必隔離仲有梁天琦，佢脫咗獄都唔知」等等。
雖然佢哋都唔係第一次被認錯，不過今次真係躺著也中槍呀！
Copyright © 2018 Babyonea.co, All Rights Reserved.
(2221)
內蒙農夫
lucky
